اســـتفتـــــاء: عمـــراوي ولا تامــراوي؟؟

ياأخي هلا يجدر بك إذا أحد سألك هذا السؤال أو مثله أن تردد قائلا معليا صوتك مفتخرا :

بل أنا

محمدي الخلق ،،صديقي الإيمان ،،عمري الشكيمة ،، عثماني الحياء ،، علوي الصلابة

فُضيلي العبرة،،حنبلي الثبات ،، تيموي العقيدة ؟؟!!!

دي بداية موضوع -

موضوع الغناء والموسيقي

فتنة العصر

فوالله ما اعلم فتنة هي أشد علي إخواني وأخواتي وعلي شباب امتي بل وشيبها أكثر من الأغاني ويضاف اليها طبعا

فتنة النساء - ولكن ربما تكون فتنة النساء واضحة بعض الشيء انما فتنة الغناء فيها دخن كثير جدا وافتتن به الملايين المملينة من الشباب والفتيات وأكرر والشيوخ - أقصد بالشيوخ كبيري السن

الموضوع ده ان شاءالله هيتكلم عن الغناء والموسيقي بنظرة شاملة ان شاء الله - وياريت الإخوة هنا كإمثال أخينا ليث الوغي واسلام سبيريت ومبتدئ وغيرهم من الإخوة بل من الأخوات ايضا ياريت -

يعني محدش يستعجل

لكن عايز بس أسأل إخواني وأخياتي المبتلين - او بلاش المبتلين دي - اللي بيسمعو اغاني

ما الدافع وراء سماعكم الأغاني ؟؟
وماذا الذي تجنيه بعد سماعك للأغنية ؟؟

"او ايه اللي بتستفيده بعدها يعني ؟
طبعا اللي مش شايف في الأغاني حاجة هو اللي من حقه يرد علي هذا السؤال ؟
وياريت يردوا طبعا

لأن في ناس بتسمع اغاني وعارفه ان الأغاني غلط - ايه غلط دي - معلش كلكم عارفين انا اقصد ايه

اخواني وأخياتي لو كانوا من هذا النوع وعايزين يردوا علي السؤال فلهم ذلك طبعا ربنا يبارك فيهم

وأيضا

ياريت الناس اللي كانوا بيسمعوا أغاني والحمد لله دلوقت من الله عليهم ومبقوش ييسمعوا عايزهم يقولوا

شكلهم كان عامل ايه زمان لما كانوا بيسمعوا وايه حالهم وحال قلبهم دلوقت؟؟


عشان نكون عون لإخواننا الباقين برده اللي مازالوا ،،

ياريت نشارك مع بعض

والموضوع إن شاء الله هيبقي في حلقات - بخلاف ما لو دخل احد الإخوة والأخوات بمشاركة يريد الجواب عن سؤالي فإن شاء الله أرد عليه - ثم هتكلم عن :

1:....

2:...
3:....
4:....

...
...
-ابن حزم والغناء

-القرضاوي وكتابه والغناء
عشان محدش لما ييجي يجاوب علي السؤال اللي فوق يقول اي حاجة من دول

فميستعجلوش

أنا عارف هما هيقولوا ايه عليهم وإن شاء الله أوضح


...

.

طبعا النقاط اللي انا سايبها فاضية دي سايبها لوقتها ان شاء الله تعرفونها

بارك الله فيكم وجزاكم الله خيرا
سبحانك اللهم ربنا وبحمدك أشهد أن لا أله الا انت استغفرك واتوب اليك
والسلام عليكم ورحمة الله والحمد لله رب العالمين

يتبع ان شاء الله